தமிழ்நாட்டில் இதுவரை இல்லாத வகையில் ஒரே நாளில் 3,713 பேருக்கு கரோனா

17:27 June 27

தமிழ்நாட்டில் இன்று புதிதாக 3,713 பேருக்கு கரோனா தொற்று உறுதி செய்யப்பட்டுள்ளது.

தமிழ்நாட்டில் இன்று (ஜூன் 27) மேலும் 3,713 பேருக்கு கரோனா தொற்று உறுதிசெய்யப்பட்டுள்ளது. இதனால் கரோனாவால் பாதிக்கப்பட்டவர்களின் எண்ணிக்கை 78 ஆயிரத்து 335ஆக அதிகரித்துள்ளது. இன்று கரோனாவுக்கு 68 பேர் உயிரிழந்ததால், இறப்பு எண்ணிக்கை 1,025ஆக அதிகரித்துள்ளது. அதேபோல் இன்று ஒரேநாளில் 1,358 பேர் குணமடைந்து வீடு திரும்பினர். தமிழ்நாட்டில் இதுவரை குணமடைந்தோரின் எண்ணிக்கை 41 ஆயிரத்து 357ஆக உயர்ந்துள்ளது. 

சென்னையை தவிர பிற மாவட்டங்களில் இன்று 1,685 பேருக்கு கரோனா தொற்று உறுதிசெய்யப்பட்டுள்ளது. சென்னையில் மட்டும் 1,939 பேருக்கு புதிதாக கரோனா பாதிப்பு உறுதியாகி உள்ளது. இதன்மூலம் சென்னையில் கரோனாவால் பாதிக்கப்பட்டவர்களின் எண்ணிக்கை 51 ஆயிரத்து 699ஆக உயர்ந்துள்ளது.