தமிழ்நாட்டில் இன்று 3680 பேருக்கு கரோனா தொற்று உறுதி!

17:33 July 10

தமிழ்நாட்டில் இன்று (ஜூலை 10) 3 ஆயிரத்து 680 பேருக்கு கரோனா தொற்று உறுதி செய்யப்பட்டதன் மூலம், பாதிப்பு எண்ணிக்கை 1 லட்சத்து 30 ஆயிரத்து 261ஆக அதிகரித்துள்ளது.

தமிழ்நாட்டில் இன்று (ஜூலை 10) மேலும் 3 ஆயிரத்து 680 பேருக்கு கரோனா தொற்று உறுதி செய்யப்பட்டுள்ளது.  இதனால் கரோனாவால் பாதிக்கப்பட்டவர்களின் எண்ணிக்கை 1 லட்சத்து 30 ஆயிரத்து 261ஆக  அதிகரித்துள்ளது. இன்று கரோனாவுக்கு 64 பேர் உயிரிழந்ததால், இறப்பு எண்ணிக்கை ஆயிரத்து 829ஆக அதிகரித்துள்ளது. தமிழ்நாட்டில் மீண்டும் 4 ஆயிரத்திற்கும் குறைவான  கரோனா பாதிப்பு பதிவாகியுள்ளது.  

அதேபோல் கடந்த 24 மணி நேரத்தில் 4,163 பேர் வைரஸ் தொற்றிலிருந்து குணமடைந்து வீடு திரும்பினர். இதன்மூலம் தமிழ்நாட்டில் குணமடைந்தோரின் எண்ணிக்கை 82 ஆயிரத்து 324ஆக அதிகரித்துள்ளது.

சென்னையைத் தவிர்த்து பிற மாவட்டங்களில் இன்று 2 ஆயிரத்து 475 பேருக்கு கரோனா தொற்று உறுதி செய்யப்பட்டுள்ளது. சென்னையில் ஆயிரத்து 205 பேருக்கு புதிதாக கரோனா பாதிப்பு உறுதியாகியுள்ளது. இதன்மூலம் சென்னையில் கரோனாவால் பாதிக்கப்பட்டவர்களின் எண்ணிக்கை 74 ஆயிரத்து 969ஆக அதிகரித்துள்ளது.