தமிழ்நாட்டில் மேலும் 621 நபர்களுக்கு கரோனா பாதிப்பு!

தமிழ்நாட்டில் இன்று புதிதாக 621 பேருக்கு கரோனா தொற்று உறுதி செய்யப்பட்டுள்ளது.

தமிழ்நாட்டில் இன்று 621 நபர்களுக்குக் கரோனா வைரஸ் தொற்று புதிதாக கண்டறியப்பட்டுள்ளது. இதனால் பாதிக்கப்பட்டவர்களின் மொத்த எண்ணிக்கை 8,29,573ஆக உயர்ந்துள்ளது.

கரோனா பாதிப்பால் இன்று 5 பேர் உயிரிழந்ததையடுத்து, உயிரிழந்தோரின் மொத்த எண்ணிக்கை 12 ஆயிரத்து 251ஆக அதிகரித்துள்ளது.

மேலும், கரோனா தொற்றிலிருந்து ஒரே நாளில் 805 பேர் குணமடைந்து வீடு திரும்பியுள்ளனர். இதனால், குணமடைந்தோரின் மொத்த எண்ணிக்கை 8 லட்சத்து 11 ஆயிரத்து 23ஆக உயர்ந்துள்ளது.