சென்னையில் உள்ள அதிமுக தலைமை அலுவலகத்தில் அதிமுக ஒருங்கிணைப்பாளர்கள் ஓ.பன்னீர்செல்வம், எடப்பாடி பழனிச்சாமி தலைமையில் அமைச்சர்கள், மாவட்டச் செயலாளர்கள், சட்டமன்ற, நாடாளுமன்ற உறுப்பினர்கள், கழக முக்கிய நிர்வாகிகள் கலந்து கொள்ளும் ஆலோசனை கூட்டம் இன்று முதல் வரும் 13 ஆம் தேதி வரை நடைபெறுகிறது.
இந்தக் கூட்டமானது முற்பகல், பிற்பகல் என இரண்டு பிரிவுகளாக மாவட்ட வாரியாக நடக்கிறது.
முதல் நாள் முற்பகல் நேரத்தில் நடக்கும் இந்தக் கூட்டத்தில் கரூர், தஞ்சாவூர் வடக்கு, தெற்கு, நாகப்பட்டினம், திருவாரூர், புதுக்கோட்டை, பெரம்பலூர் ஆகிய அதிமுக மாவட்டங்களுக்கும், பிற்பகல் நடக்கும் கூட்டத்தில் மதுரை மாநகர், மதுரை புறநகர், கிழக்கு மேற்கு, திண்டுக்கல் விருதுநகர் திருச்சி மாநகர் புறநகர் ஆகிய மாவட்டங்களுக்கும் ஆலோசனை நடக்கிறது.