தமிழ்நாட்டில் 10 புதிய கல்லூரிகள் தொடக்கம்!

தமிழ்நாட்டில் புதிதாக பத்து அரசு கலைக் கல்லூரிகள் தொடங்கப்படுவதற்காக அரசாணை வெளியாகியுள்ளது.

தமிழ்நாட்டில் 2022 - 2023ஆம் ஆண்டில் புதிதாக பத்து கலைக்கல்லூரிகள் தொடங்குவதாக தமிழ்நாடு அரசு அரசாணை வெளியிட்டுள்ளது.

இதில் ஈரோடு மாவட்டம் தாளவாடி, விருதுநகர் மாவட்டம் திருச்சுழி, திண்டுக்கல் மாவட்டம் ஒட்டன்சத்திரம், திருநெல்வேலி மாவட்டம் மானூர், திருப்பூர் மாவட்டம் தாராபுரம் போன்ற பகுதிகளில் புதிய கல்லூரிகள் தொடங்கப்பட உள்ளன.

மேலும் தர்மபுரி மாவட்டம் ஏரியூர், புதுக்கோட்டை மாவட்டம் ஆலங்குடி, வேலூர் மாவட்டம் சேர்க்காடு, கள்ளக்குறிச்சி மாவட்டம் திருக்கோயிலூர், திருவாரூர் மாவட்டம் கூத்தாநல்லூரில் புதிய அரசு கலைக் கல்லூரிகள் தொடங்கப்பட உள்ளன.