தமிழ்நாட்டில் புதிதாக இன்று 5,647 பேருக்கு கரோனா உறுதி! - தமிழ்நாடு கரோனா பாதிப்பு

சென்னை: தமிழ்நாட்டில் கரோனா தொற்றால் இன்று ஒரேநாளில் புதிதாக ஐந்தாயிரத்து 647 பேருக்கு கரோனா தொற்று உறுதிசெய்யப்பட்டுள்ளது.

கரோனா எண்ணிக்கை

Published : Sep 26, 2020, 7:33 PM IST

சென்னை: தமிழ்நாட்டில் இன்று புதிதாக ஐந்தாயிரத்து 647 பேருக்கு கரோனா தொற்று பாதிப்பு கண்டறியப்பட்டுள்ளது. இன்று ஒரேநாளில் 85 பேர் கரோனாவால் பாதிக்கப்பட்டு உயிரிழந்துள்ளனர்.

இது குறித்து மக்கள் நல்வாழ்வுத் துறை வெளியிட்டுள்ள புள்ளிவிவரத்தில், தமிழ்நாட்டிலுள்ள 182 பரிசோதனை மையங்களின் மூலம் பரிசோதனை செய்யப்பட்டதில், தமிழ்நாட்டிலிருந்த ஐந்தாயிரத்து 645 பேருக்கும், பிற மாநிலம், வெளிநாடுகளிலிருந்து தமிழ்நாட்டிற்குத் திரும்பிய இரண்டு பேருக்கும் என மொத்தம் 5 ஆயிரத்து 647 நபர்களுக்கு கரோனா தொற்று கண்டறியப்பட்டுள்ளது.

தமிழ்நாட்டில் இதுவரை 70 லட்சத்து 04 ஆயிரத்து 558 நபர்களுக்கு பரிசோதனை செய்யப்பட்டுள்ளது.இவர்களில், மருத்துவமனைகள் மற்றும் தனிமைப்படுத்தும் முகாம்களில் 46 ஆயிரத்து 336 பேர் சிகிச்சைப் பெற்று வருகின்றனர்.

மருத்துவமனையில் சிகிச்சைப் பெற்றுவந்தவர்களில் ஐந்தாயிரத்து 612 நபர்கள் குணமடைந்த இன்று (செப்.26) வீட்டிற்கு திரும்பியுள்ளனர். இதன்மூலம் மாநிலத்தில் குணமடைந்தவர்களின் எண்ணிக்கை ஐந்து லட்சத்து 19 ஆயிரத்து 448 ஆக அதிகரித்துள்ளது.

மருத்துவமனையில் சிகிச்சைப் பெற்றுவந்தவர்களில் சிகிச்சைப் பலனின்றி இன்று (செப். 26) ஒரேநாளில் அதிகபட்சமாக 85 பேர் உயிரிழந்துள்ளனர். இதையடுத்து, உயிரிழந்தவர்களின் எண்ணிக்கை ஒன்பதாயிரத்து 233 ஆக உயர்ந்துள்ளது.

சென்னையில் நோயினால் பாதிக்கப்படுபவர்களின் எண்ணிக்கைக்கு சமமான அளவிற்கு குணமடைந்தவர்கள் எண்ணிக்கையும் அதிகரித்துவருகிறது. மேலும் உயிரிழப்பவர்களின் எண்ணிக்கையும் அதிகரித்ததுவருகிறது. ஆனால், அதே நேரத்தில் தமிழ்நாட்டின் பிற மாவட்டங்களில் தொற்றினால் பாதிக்கப்படுபவர்கள் எண்ணிக்கை குறைந்துவருகிறது.

மாவட்ட வாரியாக இன்றைய பாதிப்புகளின் விவரங்கள்: