அக்டோபர் 14ஆம் தேதி தமிழ்நாடு அமைச்சரவை கூட்டம் - மு.க.ஸ்டாலின் ஆலோசனை

தமிழ்நாடு அமைச்சரவைக் கூட்டம் வருகின்ற 14ஆம் தேதி மாலை 6 மணிக்கு தலைமைச் செயலகத்தில் முதலமைச்சர் மு.க. ஸ்டாலின் தலைமையில் நடைபெறுகிறது.

சென்னை:அக்டோபர் 17 ஆம் தேதி நடக்கவுள்ள தமிழக சட்டப்பேரவை கூட்டத்தொடர் தொடர்பாக விரிவான ஆலோசனை மேற்கொள்ளபடவுள்ளது.

மேலும் கூட்டத்தில் மறைந்த முதலமைச்சர் ஜெயலலிதாவின் மரணம் குறித்து ஓய்வுபெற்ற நீதியரசர் ஆறுமுகசாமி ஆணையம் தாக்கல் செய்துள்ள அறிக்கை, ஆன்லைன் விளையாட்டுக்களை ஒழுங்குபடுத்துவதற்கான சட்டம், தூத்துக்குடி துப்பாக்கி சூடு குறித்த விசாரணை அறிக்கை, புதிய தொழில் முதலீடுகள், வேலை வாய்ப்புகள் உள்ளிட்டவை குறித்து துறை அமைச்சர்களுடன் முதலமைச்சர் மு.க.ஸ்டாலின் ஆலோசனை மேற்கொள்வார்.

மேலும் கூடவுள்ள சட்டசபை கூட்டத் தொடர் நடவடிக்கைகள் தொடர்பாகவும் வடகிழக்கு பருவமழை முன்னெச்சரிக்கை நடவடிக்கைகள் தொடர்பாக ஆலோசனைகள் வழங்கபட உள்ளது. கடந்த மாதம் 26ஆம் தேதி தமிழ்நாடு அமைச்சரவை கூட்டம் நடைபெற்ற நிலையில் மீண்டும் இம்மாதம் 14ஆம் தேதி அமைச்சரவை கூட்டம் நடைபெறுகிறது.

இதையும் படிங்க:தீபாவளி பண்டிகைக்கு 16,888 சிறப்பு பேருந்துகள் ; போக்குவரத்து துறை அமைச்சர் சிவசங்கர்