சென்னை:தாம்பரம் ரயில் நிலையத்திலிருந்து பெருங்களத்தூரை நோக்கி ஒன்பது பேர் பயணித்த ஷேர் ஆட்டோ இரும்புலியூர் சிக்னல் அருகே சாலையின் தடுப்புச் சுவரில் மோதி கவிழ்ந்து விபத்துக்குள்ளானது. விபத்துக்குள்ளான ஆட்டோ மீது எதிரே வந்த லாரியும் மோதியுள்ளது.
இந்த விபத்தில் ஆட்டோவில் பயணித்த மூவர் உயரிழந்தனர். மேலும், மூவர் படுகாயங்களுடனும், இருவர் லேசான காயங்களுடனும் குரோம்பேட்டை அரசு மருத்துவமனையில் அனுமதிக்கப்பட்டுள்ளனர். இந்த விபத்து குறித்து குரோம்பேட்டை போக்குவரத்து காவலர்கள் வழக்குப்பதிவு செய்து விசாரணை மேற்கொண்டனர்.
தடுப்புச் சுவர் மீது மோதி விபத்துக்குள்ளான ஷேர் ஆட்டோ: புதுமாப்பிள்ளை உள்பட மூவர் உயிரிழப்பு!
விசாரணையில், உயரிழந்த நபர்கள், கடலூர் பண்ருட்டியைச் சேர்ந்த பாதிரியார் ஐசக் ராஜ் (51), பெருங்களத்தூர் கொளப்பாக்கத்தைச் சேர்ந்த தனியார் நிறுவன ஊழியர் சுந்தர்ராஜூ (37), புதுச்சேரியைச் சேர்ந்த நாகமுத்து என்பது தெரியவந்தது.