புறநகர் சிறப்பு ரயில் சேவையில் மாற்றம்!

சென்னை: ரயில் பாதை அமைக்கும் பணி நடைபெறவுள்ளதால், புறநகர் சிறப்பு ரயில் சேவையில் மாற்றம் செய்யப்பட்டுள்ளது.

மார்ச் 20, 21 தேதிகளில் தாம்பரம் – செங்கல்பட்டு இடையே 3ஆவது ரயில் பாதை அமைக்கும் பணி நடைபெறவுள்ளதால், சென்னை கடற்கரை - தாம்பரம் உள்ளிட்ட பல்வேறு புறநகர் ரயில் சேவையில் மாற்றம் செய்யப்பட்டுள்ளது.

தாம்பரம் - செங்கல்பட்டு ரயில் நிலையங்களுக்கு இடையே 3ஆவது ரயில்பாதை பணிகள் நடைபெறவுள்ளதால், தாம்பரம் ரயில் நிலையத்தை கடந்துசெல்லும் புறநகர் சிறப்பு ரயில்களின் சேவை நேரம் மாற்றம் செய்யப்பட்டுள்ளது.

புறநகர் சிறப்பு ரயில் சேவையில் மாற்றம்

தாம்பரம் வரை செல்லும் குறிப்பிட்ட சில புறநகர் ரயில்கள் பல்லாவரம் வரை மட்டுமே இயக்கப்படும். இதன் காரணமாக புறநகர் ரயில்களுக்கான புதிய கால அட்டவணை உருவாக்கப்பட்டுள்ளது. இந்த திருத்தப்பட்ட புறநகர் சிறப்பு ரயில்களுக்கான புதிய கால அட்டவணை 2021 மார்ச் 20, 21 தேதிகளில் (சனி, ஞாயிறு 2 நாட்கள்) மட்டும் நடைமுறையில் இருக்கும் என தென்னக ரயில்வே தெரிவித்துள்ளது.

இதையும் படிங்க:
எர்ணாகுளம்-பெங்களூரு சிறப்பு ரயில் மார்ச் 30 அன்று மாற்றுப்பாதையில் இயங்கும்