கிருபா மோகனுக்கு ஆதரவாக மாணவர்கள் ஆர்ப்பாட்டம்!

சென்னை: மாணவர் கிருபா மோகனின் சேர்க்கையை ரத்து செய்த சென்னை பல்கலைக்கழகத்தை கண்டித்து பல்கலைக்கழக வாயில் முன்பு மாணவர்கள் ஆர்ப்பாட்டத்தில் ஈடுப்பட்டனர்.

சென்னை பல்கலைக்கழகத்தில் புத்திசம் (தத்துவவியல் துறையில் முதுகலை முதலாமாண்டு M.A) பிரிவில் படித்து வந்தவர் த.கிருபா மோகன். அம்பேத்கர் பெரியார் வாசகர் வட்டம் அமைப்பில் இணைந்து அவர் செயல்பட்டதற்காக பல்கலைக்கழகத்தில் இருந்து அதிரடியாக நேற்று நீக்கப்பட்டுள்ளார். இந்த விவகாரம் சர்ச்சையை ஏற்படுத்திய நிலையில், இதற்கு பல்வேறு அரசியில் தலைவர்கள், அமைப்புகள் கன்டனம் தெரிவித்து வருகின்றனர்.

இந்நிலையில், மாணவர் கிருபா மோகனுக்கு ஆதரவாகவும், நீக்கம் செய்யப்பட்டதைக் கண்டித்தும் சென்னை பல்கலைக்கழக நுழைவாயில் முன்பு மாணவர்கள் ஒன்றிணைந்து ஆர்ப்பாட்டத்தில் ஈடுப்பட்டனர்.