சென்னை தாம்பரம் அடுத்த பெருங்களத்தூர் இரணியம்மன் கோயில், ஜிஎஸ்டி சாலையில் காவல் துறையினர் வாகன தணிக்கையில் ஈடுபட்டிருந்தனர். அப்பொழுது இருசக்கர வாகனத்தில் ஒருவர் அதிவேகமாக வந்து இரும்பு தடுப்பில் மோதி, அங்கு வாகனச் சோதனையில் ஈடுபட்டிருந்த பரங்கிமலை ஆயுதப்படை காவலர் ஹரிகிருஷ்ணன் மீது மோதினார்.
இதில், ஹரிகிருஷ்ணனுக்கு தலையில் பலத்த காயமும், வலது கால் முறிவும் ஏற்பட்டது. அதேபோல் வாகனத்தை ஓட்டி வந்த மடிப்பாக்கம் மூவரசம்பேட்டையைச் சேர்ந்த ராஜ்குமார் என்பவருக்கும் பலத்த காயம் ஏற்பட்டது. இதையடுத்து, அங்கிருந்த காவல் துறையினர், இருவரையும் மீட்டு 108 ஆம்புலன்ஸ் மூலம் குரோம்பேட்டையில் உள்ள அரசு பொது மருத்துவமனைக்கு சிகிச்சைக்காக அனுப்பி வைத்தனர்.