தமிழ்நாட்டில் உள்ளாட்சித் தேர்தலையொட்டி வரைவு வாக்காளர் பட்டியலை தேர்தல் ஆணையம் கடந்தாண்டு டிச. 23ஆம் தேதி வெளியிட்டது. அதில், தமிழ்நாட்டில் 6 கோடியே ஆயிரத்து 329 வாக்காளர்கள் இடம்பெற்றனர்.
ஆண் வாக்காளர்கள் 2 கோடியே 96 லட்சத்து 46 ஆயிரத்து 287 பேரும், பெண் வாக்காளர்கள் 3 கோடியே 3 லட்சத்து 49 ஆயிரத்து 118 பேரும், மூன்றாம் பாலினத்தவர் 5,924 பேரும் இடம்பெற்றிருந்தனர். இந்நிலையில், வாக்காளர் பட்டியலில் புதிதாக பெயர் சேர்த்தல், நீக்கல், திருத்தம் செய்தல், முகவரி மாற்றம் செய்தல் ஆகிய பணிகளுக்கான சிறப்பு முகாமை தேர்தல் ஆணையம் அறிவித்திருந்தது.