சென்னை: சென்னையில் பலர் உரிய அனுமதி பெற்று மசாஜ், ஸ்பா மையங்கள் உள்ளிட்டவற்றை நடத்திவருகின்றனர். இதில் சில கும்பல்கள் எந்த ஒரு உரிமும், பயிற்சியும் பெறாமல் சட்டவிரோதமாகப் பாலியல் தொழில் நடத்துவதாகக் காவல் துறையினருக்கு ரகசிய தகவல் கிடைத்தது.
தகவலின் அடிப்படையில் நேற்று (நவம்பர் 21) சென்னை மாநகரம் முழுவதும் 151 மசாஜ், ஸ்பா மையங்களில் காவல் துறையினர் அதிரடி சோதனை நடத்தினர். தி. நகரில் இருபது, கீழ்ப்பாக்கத்தில் ஆறுக்கும் மேற்பட்ட இடங்கள் எனப் பல்வேறு இடங்களில் சோதனை நடைபெற்றது.
இதில் கீழ்ப்பாக்கம் பிளவர் தெருவில் மசாஜ் சென்டர் என்னும் பெயரில் பாலியல் தொழிலில் ஈடுபட்டவர்களை, துணை ஆணையர் கார்த்திகேயன் தலைமையிலானோர் கைதுசெய்தனர்.