சென்னை போக்குவரத்து காவல் துறை சிறப்பு வாகன தணிக்கை ஒன்றை நடத்தி விலை உயர்ந்த இருசக்கர வாகனங்களை மட்டும் சோதனை செய்தனர். அதில், சுமார் 100 வாகன ஓட்டிகள் Sliding number plate என கூறப்படும் நம்பர் பிளேட்டை மறைத்து வைக்கும்பபடியான வகையில் பயன்படுத்தி வந்தது தெரியவந்தது.
ஸ்லைடிங் நம்பர் பிளேட்டுடன் சுற்றித் திரிந்த வாகங்கள்
இதையடுத்து, அந்த 100 வாகன ஓட்டிகள் மீது மோட்டார் வாகன சட்டத்தின் படி வழக்குப்பதிவு செய்து அபராதம் விதிக்கப்பட்டது. தொடர்ந்து, எந்த கடைகளில் இதுபோன்ற நம்பர் பிளேட்டுகள் மாற்றி தரப்படுகிறது என்பது குறித்து போக்குவரத்து காவல் துறையினர் விசாரணை நடத்தினர்.
விசாரணையில் அண்ணாசாலை கதீட்ரல் கார்டன் சாலையிலுள்ள "சென்னை பைக்கர்ஸ்" என்ற கடையிலும், ஆலந்தூர் ரயில்வே நிலையம் சாலையிலுள்ள "நியூ மெகா ஸ்டிக்கர்ஸ்" எனும் கடையிலும் இந்த ‘ஸ்லைடிங் நம்பர் பிளேட்’ விற்பனை செய்து வந்தது தெரியவந்தது.