பட்டாக்கத்தியில் கேக் வெட்டிய சம்பவம் - 6 இளைஞர்கள் கைது!

கண்ணகி நகர் பகுதியில் பட்டாக்கத்தி கொண்டு பிறந்த நாள் கேக் வெட்டிக் கொண்டாடிய ஆறு இளைஞர்களை காவல்துறையினர் கைது செய்தனர்

சென்னை: பட்டாக்கத்தியில் கேக் வெட்டிய சம்பவம் குறித்து கைது செய்யப்பட ஆறு இளைஞர்கள் விசாரணைக்குப் பிறகு நீதிமன்ற காவலுக்கு உட்படுத்தப்பட உள்ளனர்.

சென்னையில் கடந்த ஜூன் 6ஆம் தேதி கண்ணகி நகர் காவல் நிலைய சரகத்தில் உள்ள இரண்டு அடுக்குமாடி குடியிருப்பில் சுனில் என்பவருடைய பிறந்தநாள் கொண்டாடப்பட்டுள்ளது. அப்போது இளைஞர்கள் ஒன்றுகூடி பட்டாக் கத்தியால் கேக் வெட்டி கொண்டாடிய வீடியோ காட்சிகள் சமூக வலைதளங்களில் வேகமாக பரவின. அதனடிப்படையில் காவல்துறையினர் அவர்களை தேடிவந்தனர்.

இந்நிலையில், பட்டாக் கத்தியை கொண்டு கேக் வெட்டிய சுனில் உள்பட நவீன்குமார் (எ) தொப்பை, அப்பு, தினேஷ், ராஜேஷ், கார்த்திக் (எ) பீடி ஆகியோர் இன்று(ஜூன்.8) காவல்துறையினரால் கைது செய்யப்பட்டனர். மேலும் விசாரணைக்குப் பின் நீதிமன்ற காவலுக்கு உட்படுத்தப்பட உள்ளார்கள்.