சென்னையை அடுத்த கேளம்பாக்கத்தில் உள்ள சுஷில் ஹரி இன்டர்நேஷனல் பள்ளியின் நிறுவனர் சிவசங்கர் பாபா மீது முன்னாள் மாணவிகள் உள்ளிட்ட பல்வேறு மாணவிகள் சமூக வலைதளத்தில் பாலியல் குற்றச்சாட்டுகளை சுமத்தியுள்ளனர். இதனடிப்படையில் மாமல்லபுரம் அனைத்து மகளிர் காவல் நிலையத்தில் மூன்று புகார்கள் வந்ததை அடுத்து அவர் மீது வழக்குப்பதிவு செய்தனர்.
தொடர்ந்து இந்த வழக்குகள் சிபிசிஐடிக்கு மாற்றப்பட்டன. சிபிசிஐடி காவலர்கள் இந்த விவகாரத்தில் டெல்லி சென்று சிவசங்கர் பாபாவை கைது செய்தனர். மேலும் சிவசங்கர் பாபாவின் பக்தையான சுஸ்மிதா என்பவரையும் கைது செய்தனர். அவருக்கு உடந்தையாக இருந்த ஆசிரியைகள், பக்தர்கள் ஆகியோர் கைது நடவடிக்கையில் சிக்காமல் இருக்க சென்னை உயர் நீதிமன்றத்தில் முன்ஜாமீன் பெற்றுள்ளனர்.
சிவசங்கர் பாபா மீது போடப்பட்ட மூன்று வழக்குகளில் ஏற்கனவே இரண்டு போக்சோ வழக்குகளில் சிபிசிஐடி காவலர்கள் கைது நடவடிக்கை மேற்கொண்டுள்ளனர்.