Jerlin Anika:'அர்ஜுனா விருது' பெற்ற ஜெர்லின் அனிகாவிற்கு சென்னையில் உற்சாக வரவேற்பு!

Jerlin Anika got Arjuna Award: ஒலிம்பிக்கில் காதுகேளதோர் பேட்மிண்டன் பிரிவில் தங்கம் வென்ற ஜெர்லின் அனிகா, குடியரசு தலைவர் திரெளபதி முர்முவிடம் 'அர்ஜுனா விருது' பெற்ற நிலையில், அவருக்கு சென்னையில் உற்சாக வரவேற்பு அளிக்கப்பட்டது.

சென்னை:மதுரை மாவட்டம், வில்லாபுரம் பகுதியை சோ்ந்தவர் ஜெயரட்சகன். இவரது மகள் (Shuttler Jerlin Anika) ஜொ்லின் அனிகா(18). இவர் முதலாம் ஆண்டு பொருளாதாரம் படிக்கிறார். சிறு வயது முதலே பேட்மிண்டன் (Badminton) விளையாட்டில் பயிற்சி பெற்று வந்துள்ளார். மாநகராட்சிப் பள்ளியில் படித்துக்கொண்டே மாநில, தேசிய மற்றும் சர்வதேச மாற்றுத்திறனாளிகளுக்கான பேட்மிண்டன் போட்டிகளில் பங்கேற்று 6 தங்க பதக்கங்களை பெற்றார்.

காதுகேளதோர் பேட்மிண்டன் பிரிவில் ஜெர்லின் அனிகாவிற்கு குடியரசு தலைவர் திரௌபதி முர்மு 'அர்ஜுனா விருது' வழங்கினார். அர்ஜுனா விருதைப் பெற்றுகொண்டு டெல்லியில் இருந்து விமானம் மூலம் நேற்று (டிச.2) சென்னை வந்தடைந்த ஜெர்லின் அனிகாவிற்கு விமான நிலையத்தில் உற்சாக வரவேற்பு அளிக்கப்பட்டது.

அப்போது, ஜெர்லின் அனிகாவின் தந்தை ஜெயரட்சகன் செய்தியாளர்களிடம் கூறுகையில், 'பேச இயலாத காது கேளாதோர் பேட்மிண்டன் வீராங்கனை எனது மகள் ஜெர்லின் அனிகா. இவர் கடந்த மே மாதம் நடந்த ஒலிம்பிக் போட்டியில், 3 தங்க பதக்கம் பெற்று சாதனை படைத்தார். ஜெர்லினுக்கு ஆண்டுக்கு ரூ.10 லட்சம் நிதியை தமிழக அரசு தருகிறது. அதன் முலம் ஒலிம்பிக்கில் சாதனை படைத்தார். அர்ஜுனா விருது கிடைத்தது தமிழகத்திற்கு பெருமையான விசயம் ஆகும்' என்றார்.

இதையும் படிங்க: அர்ஜுனா விருது பெறும் மதுரை வீராங்கனைக்கு மேயர் பாராட்டு