சென்னை: சட்டவிரோதமாக சூதாட்டம்... ஏழு பேர் கைது

விருகம்பாக்கம் தனியார் நிறுவனத்தில் சட்டவிரோதமாக பணம் வைத்து சூதாட்டத்தில் ஈடுபட்ட மேலாளர் உட்பட ஏழு பேரை காவல் துறையினர் கைது செய்துள்ளனர். பின்னர் அவர்களிடமிருந்து 51 ஆயிரம் ரூபாய் பணம், 10 செல்போன்கள் பறிமுதல் செய்யப்பட்டது.

சென்னை: சட்டவிரோதமாக தனியார் நிறுவனத்தில் பணம் வைத்து சூதாட்டத்தில் ஈடுபட்ட மேலாளர் உட்பட ஏழு பேரை காவல் துறையினர் கைது செய்துள்ளனர்.

விருகம்பாக்கத்தில் உள்ள தனியார் நிறுவனத்தில் பணம் வைத்து சில நபர்கள் சூதாட்டத்தில் ஈடுபடுவதாக காவல் துறையினருக்கு தகவல் கிடைத்துள்ளது.

இந்தத் தகவலின் பேரில் விருகம்பாக்கம் இளங்கோ நகர் தெற்கு பிரதான சாலையில் உள்ள தனியார் நிறுவனத்திற்கு காவலர்கள் சென்று சோதனை மேற்கொண்டுள்ளனர். அப்போது நிறுவனத்தின் தனி அறையில் சோதனை மேற்கொண்டபோது சுமார் ஏழு நபர்கள் சட்டவிரோதமாக பணம் வைத்து சூதாட்டத்தில் ஈடுபட்டு வந்துள்ளனர்.

இதனால் சட்டவிரோத செயல்களில் ஈடுபட்டதாக நிறுவனத்தின் மேலாளரான மதுரவாயலை சேர்ந்த சந்திரகுமார்(63), நிறுவனத்தில் பணிபுரிந்து வந்த மாம்பலத்தை சேர்ந்த சிவபிரசாத்(63), சைதாப்பேட்டையை சேர்ந்த மூர்த்தி(49) உள்பட ஏழு நபர்களை காவல் துறையினர் கைது செய்தனர்.

இவர்களிடமிருந்து 51ஆயிரம் ரூபாய் பணம், செல்போன்களை பறிமுதல் செய்தனர். மேலும் இவர்களிடம் காவல் துறையினர் விசாரணை மேற்கொண்டு வருகின்றனர்.