நாம் தமிழர் கட்சி சார்பில் மதுரவாயல் தொகுதியில் போட்டியிடும் கணேஷ்குமாரை ஆதரித்து அக்கட்சியின் தலைமை ஒருங்கிணைப்பாளர் சீமான் தீவிர வாக்கு சேகரிப்பில் ஈடுபட்டார். அப்போது அவர் பேசுகையில், "தமிழ்நாட்டில் கடந்த 50 ஆண்டு காலமாக ஆட்சி செய்யாமல் இருந்ததை அடுத்த ஐந்து ஆண்டுகளில் இரண்டு கட்சிகளும் செய்யும் எனக் கூறுவதை எப்படி நம்ப முடியும்?
தமிழ்நாட்டில் ஆட்சியில் உள்ள இரண்டு கட்சிகளுக்கும் ஒரே கொள்கை மட்டுமே உள்ளது. அவர்கள் எப்படி மாற்றத்தைக் கொண்டு வருவார்கள்? பொங்கல் பரிசாக 2,500 ரூபாய் வழங்கினார்கள். அந்தப் பணம் அனைத்தும் மதுபானதில் அவர்களுக்கே திரும்பக் கிடைத்து விட்டது.