சென்னை பன்னாட்டு விமான நிலையத்திற்கு வெளிநாட்டிலிருந்து வரும் விமானங்களில் பெருமளவில் பொருட்கள் கடத்தப்பட்டு வருவதாக விமான நிலைய சுங்கத்துறை அலுவலர்களுக்கு ரகசியத் தகவல் கிடைத்தது.
விமான நிலையத்திற்கு வரும் பயணிகளை சுங்கத்துறை அலுவலர்கள் தீவிரமாக கண்காணித்து வந்தனர். அப்போது துபாயிலிருந்து - மஸ்கட் வழியாக சென்னைக்கு வந்த விமானத்தில் பயணம் செய்தவர்களைத் தீவிரமாக கண்காணித்தனர்.
அதில், நாகப்பட்டினத்தைச் சேர்ந்த முகமது ஜாவித் முஷார் (22) என்பவர், தனது பொருட்களை எடுத்துக்கொண்டு அவசர அவசரமாக வெளியேற முயன்றதை அலுவலர்கள் பார்த்தனர். உடனே விமான நிலைய சுங்கத்துறை அலுவலர்கள் முகமது ஜாவித்தை தடுத்து நிறுத்தி விசாரித்தனர்.
கடத்தப்பட்ட குங்குமப்பூ பாக்கெட்டுக்கள்