நடிகர் ரிச்சர்ட் ரிசி, கௌதம் மேனன் உள்ளிட்டோர் நடிப்பில் ஜி.எம். ஃபிலிம் கார்ப்பரேஷன் தயாரிப்பில் அக்டோபர் 1ஆம் தேதி வெளிவரவுள்ள திரைப்படம் 'ருத்ர தாண்டவம்'. இந்தப் படத்தின் ட்ரெய்லர் அண்மையில் வெளியிடப்பட்டது.
இந்நிலையில், இந்தப் படம் கிறிஸ்தவர்களுக்கு எதிரானதாகவும், அவர்களைத் தவறாகச் சித்திரிக்கும் வகையிலும் இருப்பதாகக் கூறி சென்னை 15ஆவது உதவி உரிமையியல் நீதிமன்றத்தில் சிறுபான்மை மக்கள் நல கட்சியின் தேசிய தலைவர் சாம் யேசுதாஸ் என்பவர் வழக்குத் தொடர்ந்துள்ளார்.
மேலும் அவர் தொடுத்த அந்த மனுவில், "மத உணர்வுகளைப் புண்படுத்தும் வகையில், திரைப்படத்தில் வசனம், காட்சிகள் இடம்பெற்றுள்ளன. சிறுபான்மை கிறிஸ்தவர்களைத் தவறாகச் சித்திரிக்கும் வகையில் காட்சிகள் உள்ளன. இதனால் இரு மதத்தினர் இடையே சண்டையை ஏற்படுத்தும் வகையில் உள்ளது.