சென்னை பன்னாட்டு விமான நிலையத்திற்கு பெரும் அளவில் போதைப்பொருள்கள் கடத்தி வரப்படுவதாக விமான நிலைய சுங்கத்துறை அதிகாரிகளுக்கு ரகசிய தகவல் கிடைத்தது. இதையடுத்து சுங்கத்துறை அதிகாரிகள் அனைத்து விமான பயணிகளையும் கண்காணித்தனர். அந்த வகையில், ஆப்பிரிக்காவின் கினியாவில் இருந்து எத்தியோப்பியா வழியாக சென்னை வந்த விமான பயணிகளிடம் சோதனை நடத்தப்பட்டது.
போதைப்பொருள் வைக்கப்பட்டிருந்த சூட்கேஸ்
அப்போது கினியா நாட்டை சேர்ந்த 30 வயது மதிக்கத்தக்க பயணி சந்தேகத்துக்கிடமான வகையில் நடந்துகொண்டார். இதனால் அவரை அதிகாரிகள் தடுத்து நிறுத்தி விசாரித்தனர். அப்போது அவர் சுற்றுலா விசாவில் சென்னை வந்ததாக கூறினார். அதன்பின் சில கேள்விகளை சுங்கத்துறை அதிகாரிகள் கேட்ட போது முன்னுக்கு பின் முரணாக பதிலளித்துள்ளார். இதையடுத்து அவரது உடமைகளை அதிகாரிகள் சோதனை செய்தனர்.