சென்னை சிந்தாதிரிப்பேட்டை பகுதியைச் சேர்ந்தவர் பிரபல ரவுடி தர்கா மோகன் (58). இவர் மீது கொலை வழக்கு உள்பட 20க்கும் மேற்பட்ட வழக்குகள் நிலுவையில் உள்ளன. குறிப்பாக சிந்தாதிரிப்பேட்டை பகுதியில் மாமூல், கட்டப்பஞ்சாயத்து போன்ற குற்றங்களில் தர்கா மோகன் மற்றும் அவரது மகன்கள் ஈடுபட்டு வருகின்றனர்.
இந்த நிலையில் நேற்றிரவு (ஆக.02) மதுபோதையில் சிந்தாதிரிப்பேட்டை காவல் நிலையத்திற்கு ரவுடி தர்கா மோகன் கையில் சிறிய கைப்பையுடன் சென்றுள்ளார். அப்போது பாதுகாப்பு பணியில் நின்றிருந்த பெண் தலைமை காவலர் ஜெலிபாவிடம், நான் சிந்தாதிரிப்பேட்டையில் மிகப்பெரிய ரவுடி எனவும்; தன்னை தெரியாத ஆள்கள் அங்கு யாரும் இல்லை எனவும் கூறியுள்ளார்.
மேலும் உங்களால் முடிந்தால் எனது கை, கால்களை உடைத்து ஜெயிலுக்கு அனுப்புங்கள் எனவும்; தான் வைத்திருக்கும் பையில் பாம் இருப்பதாகவும் பெண் காவலரை மிரட்டிவிட்டுச் சென்றுள்ளார். இதனால் அதிர்ச்சியடைந்த பெண் காவலர் அளித்த தகவலின் பேரில் இது குறித்து காவல் ஆய்வாளர் இந்துமதி புகார் அளித்துள்ளார்.