சென்னையில் ஆட்டோ ரேஸ் நடத்தியவர்கள் மீது நடவடிக்கை எடுக்க கோரிக்கை

மதுரவாயல் - தாம்பரம் பைபாஸ் சாலையில் இன்று சட்டவிரோதமாக ஆட்டோ ரேஸ் நடத்தியவர்கள் மீது நடவடிக்கை எடுக்க பொதுமக்கள் கோரிக்கை விடுத்துள்ளனர்.

சென்னை: மதுரவாயல் - தாம்பரம் பைபாஸ் சாலையில் இன்று காலை (ஜூலை 4) சட்ட விரோதமாக ஆட்டோ ரேஸ் நடத்தப்பட்டது. இதில் ஐந்துக்கும் மேற்பட்ட ஆட்டோக்கள், முப்பதுக்கும் மேற்பட்ட இருசக்கர வாகனங்கள் பங்கேற்றன.

கலந்து கொள்ளும் ஆட்டோக்கள் மீது ரூ. 2 ஆயிரம் முதல் ரூ.10 ஆயிரம்வரை பந்தயத் தொகையாக செலுத்தப்பட்டது. கடந்த 2020ஆம் ஆண்டு நடைபெற்ற ஆட்டோ ரேஸில், ஆட்டோ - லாரி மோதிக் கொண்டதில் ஒருவர் சம்பவ இடத்திலேயே உயிரிழந்தார்.

இந்நிலையில் சட்டவிரோதமாக ஆட்டோ ரேஸ் நடத்தியவர்கள் மீது நடவடிக்கை எடுத்து, மீண்டும் தலைதூக்க தொடங்கியிருக்கும் ஆட்டோரேஸ் கலாசாரத்தை முளையிலேயே கிள்ளி எறிய வேண்டும் என பொதுமக்கள் காவல் துறையினருக்கு கோரிக்கை விடுத்துள்ளனர்.

இதையும் படிங்க:மீன் பிடிப்பதில் தகராறு - தீ வைத்து வாகனங்கள் நாசம்