கடந்த 2000ஆம் ஆண்டுகளில் தமிழ் திரையுலகின் முன்னணி நடிகையாக இருந்தவர் ரம்பா. இவர் கனடா நாட்டின் தொழில் அதிபர் இந்திரன் பத்மநாபனை காதலித்து திருமணம் செய்து கொண்டார். தற்போது கனடாவில் வசித்து வரும் ரம்பாவுக்கு மூன்று குழந்தைகள் உள்ளனர்.
இந்த நிலையில் கனடாவில் நேற்று(அக்.31) தான் சென்ற கார் விபத்துக்கு உள்ளானதாக தனது இன்ஸ்டாகிராம் பக்கத்தில் ரம்பா தெரிவித்துள்ளார். அதில், பள்ளியிலிருந்து குழந்தைகளை வீட்டுக்கு அழைத்து வரும் போது கார் விபத்துக்குள்ளானதாகவும், இந்த விபத்தில் தானும் தனது குழந்தைகளும் சிறிய காயத்துடன் உயிர் தப்பியதாக தெரிவித்துள்ளார்.