திருச்சி மத்தியப் பேருந்து நிலையம் அருகே உள்ள தனியார் ஹோட்டலில் இந்திய குடியரசுக் கட்சியின் நிர்வாகிகள் ஆலோசனைக் கூட்டம் நடைபெற்றது. இந்தக் கூட்டத்திற்கு அக்கட்சியின் தலைவர் செ.கு. தமிழரசன் தலைமை வகித்தார்.
அதற்கு முன்னதாக செ.கு. தமிழரசன் செய்தியாளர்களைச் சந்தித்தார். அப்போது பேசிய அவர், "மத்திய, மாநில அரசுகள் தாக்கல் செய்த பட்ஜெட் ஒன்றோடு ஒன்று சார்ந்து உள்ளது. இரண்டு கருத்துகளும் ஒரே கருத்தாக அமைந்துள்ளது. ஆனால், இரண்டு பட்ஜெட்களிலும் பட்டியலின சமூக வளர்ச்சிக்கு முன்னுரிமை கொடுக்கப்படவில்லை. இது ஏமாற்றமளிக்கிறது. அதனால் பட்டியலின மக்கள் என்று மத்திய, மாநில அரசுகள் தனி நிதிநிலை அறிக்கையைத் தாக்கல் செய்ய வேண்டும். குறைந்தபட்சம் துணை நிதிநிலை அறிக்கைத் தாக்கல் செய்யவேண்டும்" எனத் தெரிவித்தார்.
செ.கு.தமிழரசன் செய்தியாளர் சந்திப்பு