வங்கக் கடலில் உருவாகி உள்ள புரெவி புயல் காரணமாக தென் தமிழ்நாட்டில் உள்ள மாவட்டங்களில் கனமழை பெய்யும் என வானிலை ஆய்வு மையம் எச்சரிக்கைவிடுத்துள்ளது. இதனைத் தொடர்ந்து முன்னெச்சரிக்கை நடவடிக்கையாக இன்று பகல் ஒரு மணிக்கு சென்னையிலிருந்து தூத்துக்குடி செல்ல வேண்டிய விமானம் ரத்துசெய்யப்பட்டது.
அதைப்போல் தூத்துக்குடியிலிருந்து சென்னைக்கு பகல் 12.20 மணி,பகல் 3.20 மணிக்கு வரவேண்டிய விமானங்கள் வழக்கம்போல் வந்தன.
ஆனால் மாலை 4.50 மணிக்கு வரவேண்டிய விமானம் ரத்து செய்யப்பட்டது.அதோடு சென்னையில்இருந்து பகல் 11.30 மணிக்கு கொச்சி செல்லும் விமானமும், பிற்பகல் 2.35 மணிக்கு கொச்சியிலிருந்து சென்னை வரும் விமானமும் ரத்து செய்யப்பட்டன.