சிகிச்சை அளிக்காவிட்டால் தனியார் மருத்துவமனை உரிமம் ரத்து !

சென்னை: கர்ப்பிணிகள், குழந்தைகள், தொடர் சிகிச்சை மேற்கொள்ள வேண்டியவர்களுக்கு சிகிச்சை அளிக்காவிட்டால் தனியார் மருத்துவமனை உரிமம் ரத்து செய்யப்படும் என மக்கள் நல்வாழ்வுத்துறை அறிவித்துள்ளது.

மருத்துவம் மற்றும் ஊரக சுகாதாரத்துறை இயக்குனர் தனியார் மருத்துவமனைகளுக்குக் கடிதம் ஒன்றை அனுப்பியுள்ளார். அதில், “தற்பொழுது கரோனா வைரஸ் தொற்று (கோவிட் 19) பரவி வருவதால், பதற்றமான சூழ்நிலை நிலவிவருகிறது. எனவே கர்ப்பிணிகள், குழந்தைகளுக்கு மருத்துவச் சேவையைத் தொடர்ந்து வழங்க வேண்டும்.

டயாலிஸ், கீமோதெரபி உள்ளிட்ட நாள்பட்ட நோய்களுக்குத் தொடர்ந்து அளிக்க வேண்டிய சிகிச்சைகள், நரம்பியல் தொடர்பான சிகிச்சைகள் உள்ளிட்டவையைத் தொடர்ந்து அளிக்க வேண்டும்.

சிகிச்சை அளிக்காவிட்டால்தனியார் மருத்துவமனை உரிமம் ரத்து !

இந்திய மருத்துவக் கவுன்சில் விதிகளின் அடிப்படையில், மருத்துவப் பணி அத்தியாவசியப் பணியாகும். எனவே மருத்துவச் சேவையை தொடர்ந்து வழங்க வேண்டும். மருத்துவப் பணிகள் சட்டத்தினை மீறினால், அந்த தனியார் மருத்துவமனைகளின் உரிமங்கள் ரத்து செய்யப்படும் எனக் குறிப்பிட்டுள்ளது.

இதையும் படிங்க...கரோனா அச்சம்: உணவுப் பொருள்கள் விலை வீழ்ச்சி!