பல்வேறு திட்டப்பணிகளை தொடங்கிவைக்க பிரதமர் மோடி பிப்ரவரி 14ஆம் தேதி தனி விமானம் மூலம் டெல்லியிலிருந்து சென்னை வந்தார். நேரு உள் விளையாட்டு அரங்கில் நடைபெற்ற அரசு விழாவில் கலந்துகொண்ட அவர் பின் கேரளா கிளம்பி சென்றார்.
இந்நிலையில், பிரதமர் மோடி மீண்டும் தமிழ்நாடு வருகிறார். பிப்.25ஆம் தேதி கோயம்புத்தூர் வரும் அவர், அரசு மற்றும் பாஜக நிகழ்ச்சிகளில் கலந்துகொள்கிறார். புதுச்சேரி மாநிலத்திற்கும் சென்று அங்கு பல்வேறு திட்டங்களை தொடங்கி வைக்கிறார்.