கரோனா தொற்றுப் பரவலைக் கட்டுக்குள் கொண்டுவர ஊரடங்கு அமல்படுத்தப்பட்டிருந்த நிலையில், தற்போது ஊரடங்கில் சில தளர்வுகள் செய்து மத்திய, மாநில அரசுகள் அறிவித்துள்ளன.
இதன் அடிப்படையில், சுமார் 40 நாள்களாக மூடப்பட்டிருந்த பல்வேறு நிறுவனங்களும் தற்போது மீண்டும் உற்பத்தியைத் தொடங்கியுள்ள நிலையில், நீண்ட நாள்களுக்குப் பிறகு பணிகளைத் தொடங்கும் இந்நிறுவனங்களை, முறையான பாதுகாப்பு நடைமுறைகளை பின்பற்றுமாறு தமிழ்நாடு மாசுக் கட்டுப்பாடு வாரியம் அறிவுறுத்தியுள்ளது.
இது தொடர்பாக, தமிழ்நாடு மாசுக் கட்டுப்பாடு வாரியத் தலைவர் வெங்கடாசலம் நிறுவனங்களுக்கு அனுப்பியுள்ள கடிதத்தில், ”நிறுவனங்கள் செயல்பாட்டைத் தொடங்கும் முன்பு மாசுக் கட்டுப்பாடுக் கருவிகள், சுத்திகரிப்பு இயந்திரங்கள், பாதுகாப்பு உபகரணங்கள் ஆகியவை நல்ல நிலையில் இருப்பதை உறுதி செய்ய வேண்டும். இயந்திரங்களை மீண்டும் இயக்கும்போது, மூத்த அலுவலர்களை உடன் வைத்துக்கொண்டு, திறன் வாய்ந்த பணியாளர்களைப் பயன்படுத்த வேண்டும்.