கரோனா அச்சுறுத்தல் காரணமாக நாடு முழுவதும் ஊரடங்கு உத்தரவு பிறப்பிக்கப்பட்டு அமலில் உள்ளதால், கல்வி நிறுவனங்கள், பெரும்பாலான நிறுவனங்கள் மூடப்பட்டு, பொதுமக்கள் அனைவரும் வீட்டிலேயே முடங்கி இருக்கும் நிலை ஏற்பட்டுள்ளது.
இதனால் சென்னையில் இளைஞர்கள் சிலர் மாஞ்சா நூலில் பட்டம் விடத்தொடங்கி உள்ளனர். குறிப்பாக, சென்னையில் ஊரடங்கு காலத்தில் மாஞ்சா நூலால் காயமடைந்தோரின் எண்ணிக்கையும் அதிகரித்த வண்ணம் உள்ளது. இதுகுறித்து, சென்னை காவல் ஆணையர் ஏ.கே. விஸ்வநாதன் மாஞ்சா நூலில் பட்டம் விடுவோர் மற்றும் தயாரிப்பவர்கள் மீது குண்டர் சட்டத்தின் கீழ், நடவடிக்கை எடுக்கப்படும் என எச்சரிக்கை விடுத்திருந்தார்.
இதன் மூலம் பட்டம் விடுபவர்களை எளிதாகக் கண்டுபிடித்து கைது செய்யலாம் என காவல் துறை தரப்பில் கூறப்படுகிறது.
இதையும் படிங்க:மின்சார சட்டத்திருத்த மசோதாவை ரத்து செய்யக்கோரி மனு அளித்த விவசாயிகள்!