பார் உரிமையாளரை தாக்கிய திமுக வார்டு உறுப்பினர் உள்ளிட்ட 6 நபர்களுக்கு போலீசார் வலைவீச்சு!
சென்னை: சென்னை கோவிலம்பாக்கத்தில் தனியார் மதுபான கடை ஒன்று உள்ளது. இந்த பாரை தினகரன் என்பவர் நடத்தி வருகிறார். இந்நிலையில், இவர் வழக்கம் போல் கடந்த 9ஆம் தேதி பாரில் இருந்த போது, திடீரென வந்த மர்ம நபர்கள், ராஜா என்பவர் குறித்து இவரிடம் விசாரித்துள்ளார். அதற்குச் சரியாகப் பதிலளிக்கவில்லை என அந்த மர்ம நபர்கள் அவரை சரமாரியாகத் தாக்கியுள்ளனர்.
இதனால் பார் உரிமையாளர் தினகரனுக்குப் பலத்த காயம் ஏற்பட்டுள்ளது. இதனைத் தொடர்ந்து அவர் மருத்துவமனையில் அனுமதிக்கப்பட்டு சிகிச்சை பெற்று வரும் நிலையில், தினகரனுக்குச் சிறுநீரகம் பாதிப்படைந்துள்ளதாக மருத்துவர்கள் தெரிவித்துள்ளனர்.