சென்னை:இந்த ஆண்டுக்கான ஜி20 கல்வி செயற்குழு மாநாடு (Chennai G20 Education Working Group Conference) நாளை முதல் பிப்ரவரி 2ஆம் தேதி வரை சென்னை மற்றும் மகாபலிபுரத்தில் நடைபெற உள்ளது. இந்த ஜி20 மாநாட்டில் 29 வெளிநாடு பிரதிநிதிகள் மற்றும் 15 பன்னாட்டு நிறுவனங்களின் பிரதிநிதிகள் கலந்துகொள்ள உள்ளனர்.
இவர்கள் அனைவரும் சென்னையில் உள்ள தாஜ் கோரமண்டல், தாஜ் கன்னிமாரா, ஹயாத், தாஜ் கிளப் ஹவுஸ் ஆகிய இடங்களில் தங்குவதுடன், ஐஐடி ஆராய்ச்சி பூங்காவில் நடைபெறும் கருத்தரங்கத்தில் பங்கேற்க உள்ளனர். மேலும், 1ஆம் தேதி அன்று மகாபலிபுரத்தில் உள்ள UNESCO World Heritage Sites-ல் நடைபெறும் நிகழ்விலும் அனைத்து பிரதிநிதிகளும் கலந்துகொள்ள உள்ளனர்.