சென்னை: சர்வதேச சந்தைக்கு ஏற்ப பெட்ரோல், டீசல் உள்ளிட்ட விலை மாற்றியமைக்கப்பட்டு வருகிறது. அதன்படி, கடந்த 27 நாள்களாக பெட்ரோல் விலை லிட்டருக்கு 110.85 ரூபாய்க்கும், டீசல் விலை 100.94ரூபாய்க்கும் விற்பனை செய்யப்படுகிறது. இந்த நிலையில், சென்னையில் பெட்ரோல், டீசல் விலை 28ஆவது நாளாக இன்றும் (மே 4) விலையில் மாற்றமின்றி அதே விலைக்கு விற்பனை செய்யப்படுகிறது.
கடந்த மார்ச் 22ஆம் தேதி பெட்ரோல், டீசல், சமையல் எரிவாயு விலை உயர்த்தப்பட்டது. மேலும், 19 கிலோ எடை கொண்ட வர்த்தக ரீதியான எல்பிஜி சிலிண்டரின் விலை, கடந்த மே 1 அன்று ரூ.102.50 உயர்த்தப்பட்டு, தற்போது ரூ.2,355.50 ஆக உள்ளது. அதன்பின் விலையில் மாற்றமின்றி விற்பனையாகி வருகிறது.