சென்னை:கோயம்பேடு பழைய மார்க்கெட்டில் எஸ். ஆர் ஃப்ரூட் என்ற மொத்த கொள்முதல் பழக்கடை செயல்பட்டு வருகிறது. இந்த நிலையில் நேற்று இரவு விற்பனைக்காக கடையில் பெட்டி பெட்டியாக வைக்கப்பட்டிருந்த ஆப்பிள், திராட்சை, மாதுளம் அடங்கிய பழப்பெட்டிகள் காணாமல் போய் உள்ளன.
இதனால் அதிர்ச்சி அடைந்த வியாபாரிகள் பழ மார்க்கெட்டில் வைக்கப்பட்டிருந்த சிசிடிவி காட்சிகளை ஆய்வு செய்தனர். அப்போது இரண்டு நபர்கள் ஆளில்லாத நேரத்தில் மார்க்கெட்டில் புகுந்து பெட்டி பெட்டியாகப் பழங்களைத் திருடி செல்வது தெரியவந்தது.