‘பார்சல் கொடுக்கும் பைகளை வாயால் ஊதி பிரிக்கக் கூடாது’- சுகாதாரத் துறை அறிவிப்பு!

உணவகங்கள் உள்ளிட்ட கடைகளில் பார்சலுக்காக பயன்படுத்தப்படும் பைகளை எச்சில் தொட்டும், வாயால் ஊதியும் பிரிப்பதை தவிர்க்க வேண்டும் என சுகாதரத் துறை அலுவலர்கள் தெரிவித்துள்ளனர்.

சென்னை:தமிழ்நாட்டில் ஊரடங்கு அறிவிக்கப்பட்டாலும் சில செயல்பாடுகளுக்கு தளர்வுகளும் அவ்வப்போது அறிவிக்கப்பட்டு வருகிறது. அதன் ஒரு பகுதியாக உணவுக் கூடங்களில் பார்சல் சேவை மட்டும் வழங்க அனுமதிக்கப்பட்டுள்ளது. அதனடிப்படையில் உணவுகங்களில் பார்சல் மட்டும் கொடுக்கப்பட்டு வருகிறது. அதேபோல், மளிகை கடைகள், இறைச்சி, மீன் கடைகளும் கட்டுப்பாடுகளுடன் செயல்பட அரசு அனுமதி வழங்கியுள்ளது.

இதனால், மேற்குறிப்பிட்டுள்ள அனைத்து கடைகளிலும் பார்சல் கொடுப்பதற்கான பைகளின் பயன்பாடு அதிகரிந்துள்ளது. அந்த பைகளை எடுப்பதற்காக சிலர் எச்சில் தொட்டும், வாயால் ஊதியும் பிரித்து அதனுள் பொருள்களை போட்டுக் கொடுக்கின்றனர்.

இத்தகைய செயல்களால் விரைவில் கரோனா தொற்று பரவும் அபாயம் ஏற்படும். இதனைத் தவிர்க்க உரிய நடவடிக்கை மேற்கொள்வது அவசியம் என சுகாதாரத் துறை அலுவலர்கள் கருதுகின்றனர். மேலும், இத்தகைய செயல்களை கடை உரிமையாளர்கள் கவனத்தில் கொண்டு, அவர்களுடைய ஊழியர்களுக்கு தக்க அறிவுரை வழங்க வேண்டும் என கேட்டுக்கொண்டனர்.

இதையும் படிங்க: தமிழ்நாட்டில் வனவிலங்குகளுக்கு கரோனா இல்லை - அமைச்சர் கா. ராமச்சந்திரன்