தமிழ்நாட்டில் மழையின் காரணமாக வெங்காயத்தின் விளைச்சல் பாதிக்கப்பட்டிருப்பதால் அதன் விலை அதிகரித்து காணப்படுகிறது.
இதனால், தமிழ்நாட்டிற்குத் தேவையான வெங்காயம் வெளிமாநிலங்களிலிருந்து கொள்முதல் செய்யப்பட்டு வருகிறது. கிலோ ஒன்றிற்கு 80ரூபாயாக இருந்த பெரிய வெங்காயத்தின் விலை கடந்த வாரம் 60ரூபாயாக குறைந்திருந்தது.
இந்நிலையில், சென்னை கோயம்பேடு சந்தைக்கு வரக்கூடிய வெங்காயத்தின் வரத்து குறைந்ததால், மீண்டும் அதன் விலை அதிகரித்துள்ளது. கடந்த வாரம் ஒரு கிலோ பெரிய வெங்காயம் 60 ரூபாய்க்கு விற்கப்பட்டு வந்த நிலையில் தற்போது 80 ரூபாயாகவும் சின்ன வெங்காயம் 100 ரூபாயாகவும் உயர்ந்துள்ளது.
இதையும் படிங்க: வெங்காயத்தால் பெருங்'காயம்' அடையும் விவசாயிகள்!