இன்றைய நிகழ்வுகள், செய்திகளின் தொகுப்பு #ETVBharatNewsToday

இன்றைய நிகழ்வுகள், செய்திகளின் தொகுப்பைக் காணலாம்.

• புதிய கட்டுப்பாடுகள் அமல்
  

கரோனா பரவலைக் கட்டுப்படுத்தும்விதமாக தமிழ்நாட்டில் மேலும் புதிய கட்டுப்பாடுகள் இன்று (ஏப்ரல் 26) அமலுக்குவருகின்றன. இதில், திரையரங்குகள், வணிக வளாகங்கள் உள்ளிட்டவை இயங்க அனுமதி இல்லை.

• வங்கிகளின் வேலை நேரம் குறைப்பு
  

கரோனா காரணமாக இன்று (ஏப்ரல் 26) முதல் தமிழ்நாட்டில் உள்ள வங்கிகள் செயல்படும் நேரம் குறைக்கப்படுவதாக மாநில வங்கியாளர்கள் குழுமம் அறிவித்துள்ளது.

• ஸ்டெர்லைட் ஆலையில் ஆக்சிஜன் உற்பத்தி: அனைத்துக் கட்சி கூட்டத்திற்கு அழைப்பு
  

ஸ்டெர்லைட் ஆலையில் ஆக்சிஜன் உற்பத்தி செய்வது தொடர்பாக முடிவு எடுக்க இன்று (ஏப்ரல் 26) அனைத்துக் கட்சி கூட்டம் முதலமைச்சர் எடப்பாடி பழனிசாமி தலைமையில் நடைபெறவுள்ளது.

• உத்ரகாண்ட் மாநிலத்தில் ஊரடங்கு
  

கரோனா பரவல் காரணமாக உத்ரகாண்ட் மாநிலத்தில் இன்றுமுதல் மே 3ஆம் தேதிவரை முழு ஊரடங்கு உத்தரவை அம்மாநில அரசு அறிவித்துள்ளது.

• டெல்லியில் ஊரடங்கு ஒருவாரம் நீட்டிப்பு
  

கரோனா பரவல் காரணமாக இன்றுமுதல் மே 3ஆம் தேதிவரை மேலும் ஆறு நாள்களுக்கு முழு ஊரடங்கு நீட்டிக்கப்படுவதாக அம்மாநில முதலமைச்சர் அரவிந்த் கெஜ்ரிவால் தெரிவித்துள்ளார்

• பஞ்சாபுடன் மோதும் கொல்கத்தா
  

ஐபிஎல் டி20, 2021 கிரிக்கெட் 21ஆவது போட்டியில் பஞ்சாப் அணியுடன் கொல்கத்தா அணி இன்று இரவு 7.30 மணிக்கு மோதுகிறது.