நீட் ஆள்மாறாட்ட முறைகேடு: கைதுசெய்யப்பட்ட மாணவர் தனுஷிடம் சிபிசிஐடி விசாரணை

2018இல் நடைபெற்ற நீட் தேர்வில் ஆள்மாறாட்டம் செய்யப்பட்ட குற்றச்சாட்டில், சென்னை மருத்துவக் கல்லூரி மாணவர் தனுஷிடம் சிபிசிஐடி காவல் துறையினர் விசாரணை மேற்கொண்டுவருகின்றனர்.

2018இல் நடைபெற்ற நீட் தேர்வில் ஆள்மாறாட்டம் செய்ததாகச் சென்னை மருத்துவக் கல்லூரி மாணவர் தனுஷ் என்பவர் கைதுசெய்யப்பட்டுள்ளார். நீட் ஆள்மாறாட்டம் தொடர்பாக சிபிசிஐடி காவல் துறையின்ர விசாரித்துவந்த நிலையில் தனுஷை கைதுசெய்து விசாரனை நடத்திவருகின்றனர்.

இது தொடர்பாக பெங்களூருவில் உள்ள தனியார் பயிற்சி மையத்தைச் சேர்ந்த, இரண்டு பேரை சிபிசிஐடி காவல் துறையினர் தேடிவருகின்றனர்.

மருத்துவ மாணவன் தனுஷுக்காக, பிகாரில் இந்தி மொழியில் தேர்வெழுதி வெற்றிபெற்ற நபர் குறித்தும், விசாரணை நடைபெறுகிறது. மாணவன் தனுஷுக்கு பெங்களூருவைச் சேர்ந்த தனியார் பயிற்சி மையம் உடந்தையாக இருந்ததாகத் தெரிகிறது.

2018 - 2019ஆம் ஆண்டு நீட் தேர்வில் ஆள்மாறாட்டத்திற்கு இடைத்தரகர்கள், 15 லட்சம் வரை தரகுத் தொகை பெற்றுள்ளதாகத் தகவல் வெளியாகியுள்ளது.

2018இல் தேர்ச்சிப்பெற்ற இரண்டாயிரத்து 500 மாணவர்கள் குறித்த விவரங்களைச் சரிபார்க்க, மருத்துவக் கல்லூரி இயக்குநரகத்திற்கு சிபிசிஐடி பரிந்துரை செய்துள்ளது.

இதையும் படிங்க:நீட் ஆள்மாறாட்டம் - மேலும் ஒரு மாணவர் தந்தையுடன் கைது!