'முடிந்தால் ராமர் கோவிலை கட்டுங்கள் பார்க்கலாம்..!' - பாஜகவுக்கு சீமான் சவால்

சென்னை: "அயோத்தியில் முடிந்தால் ராமர் கோயிலை கட்டுங்கள் பார்க்கலாம்" என்று, நாம் தமிழர் கட்சி ஒருங்கிணைப்பாளர் சீமான், பாஜகவுக்கு சவால் விடுத்துள்ளார்.

சென்னை விமான நிலையத்தில் இன்று செய்தியாளர்களிடம் பேசிய நாம் தமிழர் கட்சியின் தலைமை ஒருங்கிணைப்பாளர் சீமான், ராமர் கோயிலை கட்டிவிட்டால் பாஜகவால் தொடர்ந்து அரசியல் செய்ய முடியாது. முடிந்தால் அவர்கள் ராமர் கோயிலை கட்டட்டும் என்று சவால் விடுத்தார்.

தனக்கு ஈழம் குறித்து அதிகமாக பாடம் எடுத்தது பேராசிரியர் சுப வீரபாண்டியன் தான் என்றும், அவர் தற்போது திமுகவிடம் பணம் வாங்கிக் கொண்டு மாற்றிப் பேசுவதாகவும் குற்றம்சாட்டினார்.

உலக நாடுகளில் வாக்கு இயந்திரங்கள் இல்லை எனவும், ஒரே நாளில் பணம் செல்லாது என்று அறிவிக்கும் அரசாங்கத்தால் ஏன் ஒரே நாளில் தேர்தலை நடத்த முடியவில்லை என்றும் கேள்வி எழுப்பினார்.