2020-இல் கொலை வழக்குகளின் எண்ணிக்கை கணிசமாக குறைவு - சென்னை காவல்துறை

2019ஆம் ஆண்டுடன் ஒப்பிடும்போது 2020ஆம் ஆண்டு கொலை வழக்குகளின் எண்ணிக்கை கணிசமான அளவு குறைந்துள்ளது என சென்னை காவல்துறை தெரிவித்துள்ளது.

சென்னை:2019, 2020ஆம் ஆண்டுகளில் எவ்வளவு கொலை வழக்குகள், எத்தனை கிலோ போதை பொருட்கள் பறிமுதல், செல்போன் பறிப்பு, வாகன விபத்து உள்ளிட்டவற்றை ஒப்பிட்டு மாநகராட்சி காவல்துறை அறிக்கை வெளியிட்டுள்ளது.

வழக்குகள்	2019	2020
கொலை வழக்கு	173 வழக்கு	147 வழக்கு
சங்கிலி பறிப்பு	310 வழக்கு	246 வழக்கு
போதை பொருட்கள்	452 வழக்கு (1128 கிலோ)	522 வழக்கு (2966 கிலோ)
வாகன விபத்து	1229 விபத்து	839 விபத்து

மேலும் இந்த நான்கு மாதங்களில் மட்டும் கணினி வழி குற்றப் பிரிவுகளில் பாதிக்கப்பட்டவர்களுக்கு ஒரு கோடியே 52 லட்சத்து 61 ஆயிரத்து 952 ரூபாய் திருப்பி அளிக்கப்பட்டுள்ளது.

சட்டம் மற்றும் ஒழுங்கினை பராமரிக்கவும், ரவுடிகள் மற்றும் வழக்கமான குற்றங்கள் புரிந்து வரும் குற்றவாளிகள் நடவடிக்கைகளை கட்டுப்படுத்தும் விதமாக 542 சமூக விரோதிகள் சென்னை காவல் துறையால் குண்டர் தடுப்பு சட்டத்தின் கீழ் காவலுக்கு உட்படுத்தப்பட்டுள்ளனர்.

இவ்வாறு அதில் தெரிவிக்கப்பட்டுள்ளது.

இதையும் படிங்க:கேரளாவை உலுக்கிய அபயா கொலை வழக்கு!