மக்கள் நல்வாழ்வுத் துறை வெளியிட்டுள்ள கரோனா பாதிப்பு குறித்த புள்ளிவிவர தகவலில் தெரிவித்திருப்பதாவது:-
"தமிழ்நாட்டில் உள்ள 29 ஆய்வகங்களில் 24 ஆயிரத்து 621 நபர்களுக்கு பரிசோதனை மேற்கொள்ளப்பட்டது. இதில், தமிழ்நாட்டிலிருந்த 2,094 நபர்கள், வெளிநாடுகள், வெளி மாநிலங்களிலிருந்து தமிழ்நாடு திரும்பிய 80 நபர்கள் என மொத்தம் 2,174 நபர்களுக்கு கரோனா தொற்று உறுதி செய்யப்பட்டுள்ளது.
தமிழ்நாட்டில் இதுவரை 7 லட்சத்து 37 ஆயிரத்து 787 நபர்களுக்கு பரிசோதனை செய்யப்பட்டுள்ளது. இதில், 50 ஆயிரத்து 193 நபர்களுக்கு கரோனா தொற்று உறுதியானது. அவர்களில், தற்போது 21 ஆயிரத்து 990 நபர்கள் மருத்துவமனைகளில் சிகிச்சைப் பெற்று வருகின்றனர். சிகிச்சையின் மூலம் குணமடைந்த 842 பேர் இன்று வீட்டிற்கு அனுப்பி வைக்கப்பட்டுள்ளனர். இதுவரை, 27 ஆயிரத்து 624 நபர்கள் குணமடைந்துள்ளனர்.
மேலும், மருத்துவமனைகளில் சிகிச்சைப் பெற்று வந்தவர்களில் 48 பேர் இன்று உயிரிழந்தனர். இதன்மூலம் இறந்தவர்களின் எண்ணிக்கை 576ஆக உயர்ந்துள்ளது. சென்னையில் மட்டும் இன்று 1,276 நபர்களுக்கு நோய்த் தொற்று உறுதியாகியுள்ளது. இதுவரை சென்னையில் 35 ஆயிரத்து 556 பேர் இந்த தொற்றால் பாதிக்கப்பட்டுள்ளனர். அவர்களில் 16,067 பேர் தற்போது மருத்துவமனைகளில் சிகிச்சைப் பெற்று வருகின்றனர். சென்னையில் மட்டும் இதுவரை 461 பேர் உயிரிழந்தனர்.
மாவட்டம் வாரியாக இன்று கரோனா பாதித்தோரின் எண்ணிக்கை
