சென்னை போரூரில் தனியார் நிறுவன கட்டுமான பணிகளில் ஈடுபட்டு வந்த வடமாநில தொழிலாளர்கள் ஊரடங்கு உத்தரவு காரணமாக சொந்த ஊர்களுக்கு செல்ல முடியாமல் தவித்துவருகின்றனர். இதனால் இவர்கள் போரூர் துரைசாமி நகர்ப்பகுதியில் தங்க வைக்கப்பட்டுள்ளனர்.
இந்நிலையில் நேற்று மாலை ஒன்று திரண்ட வடமாநில தொழிலாளர்கள் தங்களை சொந்த ஊர்களுக்கு அனுப்பி வைக்க வேண்டும் என்று கோஷங்கள் எழுப்பி போராட்டத்தில் ஈடுபட்டனர். இது குறித்து தகவலறிந்து சம்பவ இடத்திற்கு வந்த போரூர் காவல் ஆணையர் சங்கர் நாராயணன், ஆர்ப்பாட்டத்தில் ஈடுபட்ட வடமாநில தொழிலாளர்களிடம் பேச்சுவார்த்தையில் ஈடுபட்டார்.
சொந்த ஊருக்கு அனுப்பி வைக்ககோரி காவல் துறை வாகனத்தை மறித்து வடமாநில தொழிலாளர்கள் போராட்டம்!