மருத்துவம் சார்ந்த, குறிப்பாக சித்த, ஆயுர்வேத மருத்துவம் தொடர்பான உயர்நிலை ஆராய்ச்சிகள் மேற்கொள்ளவும், பேராசிரியர்கள், மாணவர்களுக்குப் பல்வேறு வகையான பயிற்சிகள் அளிப்பது குறித்தும் தமிழ்நாடு டாக்டர் எம்.ஜி.ஆர் மருத்துவப் பல்கலைக்கழகம், திருவள்ளுவர் பல்கலைக்கழகம் ஆகியவற்றுக்கு இடையே புரிந்துணர்வு ஒப்பந்தம் கையெழுத்திடப்பட்டுள்ளது.
இரண்டு பல்கலைக்கழகங்களின் துணைவேந்தர்கள் சுதா சேஷய்யன், தாமரை செல்வி ஆகியோர் இந்தப் புரிந்துணர்வு ஒப்பந்தத்தில் கையெழுத்திட்டனர். இந்த நிகழ்ச்சியில் தமிழ்நாடு டாக்டர் எம்.ஜி.ஆர் மருத்துவப் பல்கலைக்கழகத்தின் பதிவாளர் பரமேஸ்வரி, திருவள்ளுவர் பல்கலைக்கழகத்தின் பதிவாளர் பெருவல்லூதி, பல்துறை பேராசிரியர்களும், மருத்துவர்களும் பங்கேற்றனர்.