சென்னையிலிருந்து பேங்காக் நாட்டிற்கு 268 பயணிகள், 9 விமான ஊழியர்கள் என மொத்தம் 277 பேருடன் செல்லவிருந்த தாய் ஏா்லைன்ஸ் விமானம் இன்று அதிகாலை புறப்பட்டு ஓடுபாதையில் ஓடத்தொடங்கியது. அப்போது அந்த விமானத்தில் திடீரென இயந்திரக் கோளாறு ஏற்பட்டது.
இதனை கவனித்த விமானி விமானத்தை ஓடுபாதையிலேயே நிறுத்தினாா். பின்பு இழுவை வாகனம் மூலம் விமானம் புறப்பட்ட இடத்திற்கே கொண்டுவந்து நிறுத்தப்பட்டது. இதனைத் தொடர்ந்து விமான பொறியாளா்கள் இயந்திரக் கோளாறை சரிசெய்ய முயன்றனர். ஆனால் அவர்களாலும் அதை சரிசெய்ய முடியாததால் அந்த விமானம் ரத்து செய்யப்பட்டது.