அரசுப் பேருந்தை இயக்கக்கோரி நூதன ஆர்ப்பாட்டத்தில் ஈடுபட்ட நபர் கைது!

சென்னை: திருவொற்றியூர் அருகே அரசுப் பேருந்துகளை இயக்கக்கோரி ஒப்பாரி வைத்தும், பேருந்துக்கு மாலை அணிவித்தும் நூதனப் ஆர்ப்பாட்டத்தில் ஈடுபட்ட தொண்டர் இயக்கத் தலைவரை காவல்துறையினர் கைதுசெய்தனர்.

சென்னை திருவொற்றியூர் தேரடி பகுதியில் தொண்டர் இயக்கம் சார்பில் அதன் தலைவர் தொண்டன் சுப்ரமணி தலைமையில் கடந்த சில நாள்களாக அரசுப் பேருந்துகளை இயக்கக்கோரி ஆர்ப்பாட்டத்தில் ஈடுபட்டு வருகின்றனர்.

இதன் ஒரு பகுதியாக இன்று (ஆக.24) அங்கு வைக்கப்பட்டிருந்த மாதிரி அரசு பேருந்திற்கு மாலை அணிவித்து, இறுதி காரியம் செய்து, பெண்கள் ஒப்பாரி பாடி நூதன ஆர்ப்பாட்டத்தில் ஈடுபட்டனர். இதனால் அப்பகுதியில் பரபரப்பு ஏற்பட்டது.

இதைத்தொடர்ந்து அனுமதியின்றி ஆர்ப்பாட்டத்தில் ஈடுபட்டதாக தொண்டர் இயக்க தலைவர் தொண்டன் சுப்ரமணி மற்றும் நிர்வாகிகளை திருவொற்றியூர் காவல்துறையினர் கைது செய்தனர்.

இதையும் படிங்க:மரக்கன்றுகளால் புழல் ஏரிக்கரையை பசுமையாக்கும் சமூக ஆர்வலர்கள்!