சென்னை: பெரியமேட்டை சேர்ந்த ஓய்வுபெற்ற தலைமைச் செயலக ஊழியரான மனோகர் என்பவர் தாக்கல் செய்த பொதுநல வழக்கில், "பெரியமேடு நேவல் மருத்துவமனை சாலையில் அரசு அலுவலகங்கள், மருத்துவமனைகள், கல்லூரி மற்றும் மத வழிபாடு தளங்களும் அமைந்துள்ள நிலையில், அப்பகுதியில் புதிதாக மதுபானக் கடையை அமைக்க டாஸ்மாக் நிர்வாக இயக்குனர் மற்றும் மாவட்ட மேலாளர் ஆகியோர் அனுமதி வழங்கி உள்ளது.
இந்தக் கடை செயல்பட தொடங்கினால் அப்பகுதி மக்களுக்கு பெரிதும் பாதிப்பு ஏற்படக்கூடும் என்பதால் கடையை வேறு இடத்துக்கு மாற்றக் கோரி மனு கொடுத்தும் அரசு எந்த நடவடிக்கையும் மேற்கொள்ளவில்லை. எனவே புதிதாக கடையை திறக்க இடைக்கால தடை விதிக்க வேண்டும்" என கோரிக்கை வைத்திருந்தார்.