சென்னை புதுவண்ணாரப்பேட்டை திருவொற்றியூர் நெடுஞ்சாலையில் நற்கருணை ஆலயம் செல்லும் வழியில் அமைந்துள்ள மாதா சிலையை நேற்று நள்ளிரவு அடையாளம் தெரியாத நபர் ஒருவர் இரும்பு கம்பி கொண்டு தாக்கி உடைத்துள்ளார். இந்தச் சம்பவம் குறித்து காவலர்கள் விசாரணை மேற்கொண்டு வருகின்றனர்.
சாலை மறியலில் ஈடுபட்ட மக்கள் இந்நிலையில், இன்று காலை மாதா சிலை உடைக்கப்பட்டதையறிந்த பொதுமக்கள் சிலையை உடைத்த நபரை விரைவில் கைது செய்ய வலியுறுத்தி திருவொற்றியூர் நெடுஞ்சாலையில் சாலை மறியலில் ஈடுபட்டனர். பின்னர், சிலையை உடைத்த நபர் மீது உரிய நடவடிக்கை எடுக்கப்படும் எனக் காவல்துறையினர் உறுதி அளித்ததை தொடர்ந்து கலைந்து சென்றனர்.
