பாடலாசிரியர் கபிலனின் மகள் தூரிகை தூக்கிட்டுத் தற்கொலை!

தமிழ் சினிமாவின் புகழ்பெற்ற பாடலாசிரியரான கபிலனின் மகள் தூரிகை தூக்கிட்டுத் தற்கொலை செய்த சம்பவம் பொதுமக்களிடமும் திரையுலகத்தினரிடமும் அதிர்ச்சியை ஏற்படுத்தியுள்ளது.

தமிழ்சினிமாவின் புகழ்பெற்ற பாடலாசிரியர் கபிலனின் மகள் தூரிகை தனது வீட்டில் இன்று(செப்.9) இரவு 7:45 மணிக்கு தூக்கிட்டுத் தற்கொலை செய்து கொண்டார். இவர், எழுத்தாளர், ஆடை வடிவமைப்பாளர் என பன்முகத் திறமை கொண்டவர் ஆவார். பீயிங் உமன் என்ற இதழையும் நடத்தி வந்துள்ளார். இந்நிலையில் இவர் இன்று மாலை சென்னை அரும்பாக்கம் எம்.எம்.டி.ஏ. காலனி மார்கெட் பகுதியில் உள்ள தனது வீட்டில் தூக்கிட்டுத் தற்கொலைக்கு முயன்றுள்ளார்.

இதையறிந்த இவரது தாயார் அக்கம்பக்கத்தினரை கூச்சலிட்டு அழைத்து, இவரை மருத்துவமனையில் அனுமதித்தார். இருப்பினும், அவர் சிகிச்சைப் பலனின்றி பரிதாபமாக உயிரிழந்தார். இதனையடுத்து அவரது உடல் பிரேதப் பரிசோதனைக்காக அனுப்பப்பட்டுள்ளது

பாடலாசிரியர் கபிலனின் மகள் தூரிகை தூக்கிட்டு தற்கொலை..!

மேலும், இவர் தனது முகப்புத்தகத்தில் கடந்த 2020ஆம் ஆண்டு தற்கொலை எதற்கும் தீர்வல்ல எனும் ஒரு நெடும் பதிவை பதிவிட்டுள்ளார். அப்படி இருக்க தற்போது எப்படி இந்த முடிவை எடுத்தார் என அவரது குடும்பத்தினரும், நண்பர்களும் அதிர்ச்சியிலுள்ளனர். மேலும், இந்தத் தற்கொலை குறித்து அரும்பாக்கம் காவல் துறையினர் விசாரணை நடத்தி வருகின்றனர்.

தற்கொலை தீர்வல்ல