'தொழிலாளர் வாழ்வு ஏற்றம் பெறும்'- கமல் ஹாசன்

சென்னை: நடிகரும், மக்கள் நீதி மய்யம் கட்சி தலைவருமான கமல் ஹாசன் உழைப்பாளர் தின வாழ்த்து கூறியுள்ளார்.

வருடம் முழுவதும் உழைக்கும் உழைப்பாளர்களை, பெருமைப்படுத்தும் விதமாக, மே 1ஆம் தேதி (இன்று) உழைப்பாளர் தினம் கொண்டாடப்படுகிறது. இந்த நாளை சிறப்பிக்கும் விதமாக அரசியல் கட்சி தலைவர்கள், நடிகர், நடிகைகள் என்று பலரும் தங்களது வாழ்த்துகளை சமூக வலைதளங்களில் வெளியிட்டு வருகின்றனர்.

இந்நிலையில் நடிகரும், மக்கள் நீதி மய்யம் கட்சி தலைவருமான கமல் ஹாசன் உழைப்பாளர் தின வாழ்த்து கூறி தனது ட்விட்டர் பக்கத்தில் பதிவு ஒன்று வெளியிட்டுள்ளார்.

அதில், “நாட்டின் பொருளாதாரத்தை கட்டமைத்திடும் ஒவ்வொரு தொழிலாளியின், தனி பொருளாதாரமும் பலப்பட வாழ்த்துகிறேன்.

உழைப்பை மூலதனமாக்கி உயரும் வாழ்வு தாமதமாகலாம், தடைபடாது. இந்நிலை மாறும், தொழிலாளர் வாழ்வு ஏற்றம் பெறும். நம்பிக்கையுடன்” என்று குறிப்பிட்டுள்ளார்.

இதையும் படிங்க:இர்ஃபான் கான் மறைவுக்கு கமல் - தனுஷ் இரங்கல்